Saturday, January 14, 2006

လက်ဖွဲ့

လက်ဖွဲ့



အဝေးမှာကျန်ရစ်ခဲ့တဲ့
ကျွန်တော့်ရင်ရနံ့ရဲ့
ရီညို အုံ့ပျ အလွမ်းရှစ်ခွင်ထဲ
ဘူတာရုံလေးလို ငေးနေမလား။
ဒီသီချင်း
ကျွန်တော့်လက်နဲ့ဖွဲ့မှ ဖြစ်မှာပါ
အနီးဆုံးကွေးညွှတ်လာတဲ့
အမျှော်လေးတို့ ဝေဒနာတွေ
အဆက်အသွယ်ဝေး သွေးအေးတဲ့
ကလေးဘ၀ စာမျက်နှာတွေ
ကျွန်တော်နဲ့ကျွန်တော်ဟာ
ဝင်ရိုးစွန်း နှစ်ဖက်မှာ ဖြည့်တင်းထားတော့
လ၀င်ချိန်ဆိုလည်း တွယ်တာမိတယ်။
လေထုနဲ့ ဘ၀ဟာငြိနေပြီး
မေ့လို့မရတဲ့ အတိတ်တွေ ပြန့်ပွားအောင်
ငြိမ်းချမ်းရေးချစ်တဲ့ သားကောင်ပါ
ဆည်းဆာနဲ့ နင်းချေခံခဲ့ရတဲ့
မေတ္တာနဲ့ ပစ်ခွာခံရတဲ့
အလွမ်းစစ်စစ် သရုပ်ပြလူသားပါ
ရွှေတောင်ပံနဲ့ နှင်လိုက်တဲ့ ခရီးများ
မီးဖိုထဲက ကြွရောက်လာတဲ့ သံထည်များ
ရေးလက်စသီချင်းတစ်ပုဒ်နဲ့ ထုပ်ပိုးလို့
ပေးပို့လိုက်ပါတယ်။

ဝိုင်ချို

မဟေသီ၊ အောက်တိုဘာ ၂၀၀၀

Search Keyword : Wine Cho

0 Comments:

Post a Comment

Links to this post:

Create a Link

<< Home