Sunday, January 15, 2006

လမ်းပျောက်သောဂီတ

လမ်းပျောက်သောဂီတ


ဘုရားသခင်က...
ကောင်းကင်ကို ရွာချခိုင်းလိုက်တဲ့အချိန်မှာ
သူတို့က ဘာကိုအလိုရှိကြမှန်း မသိသေးဘူး
အစိမ်းရောင်ရင့်ရင့်တွေကို စတေးလိုက်တိုင်းသာ
ပန်းရိုင်းတွေပွင့်ကြကြေးဆိုရင်ဖြင့်
နတ်ဆိုးတွေလည်း ပျင်းရိနေကြလိမ့်မယ်... ။
ဖေဖေ...
အီမျူ ငှက်ကြီးတွေနဲ့ သားပိုက်ကောင်တွေဟာ
တကယ်တော့ ပုံပြင်သက်သက်ဖြစ်ခဲ့သင့်တာ...
ခြေရာတွေကို လိုက်လံကောက်သိမ်းရင်း
လူစဉ်မမီ နိမ့်ဆင်းသွားရတဲ့လမ်းကြောင်းလေးတစ်ကြောင်းဟာ
ကျွန်မပါ... ။
ဘယ်လိုမှ သံသယမရှိလိုက်ကြပါနဲ့
ကျွန်မ အရူးအမူးတမ်းမက်လျှောက်လှမ်းခဲ့တဲ့လမ်းမှာ
ကံ့ကော်အ၀ါတွေကလွဲရင် ဘာမှမရှိပါဘူး
ကံကြမ္မာက အထူးအဆန်းတွေကို ဖန်ဆင်းမျက်လှည့်ပြလိုက်ရင်း
ကျွန်မကလည်း မျက်ရည်ပေါက်ကြီးငယ်တွေနဲ့ အံ့သြပေးလိုက်ရင်း
ကြာတော့... ပျင်းရိပျင်းတွဲတွေပဲ... အဖတ်တင်ကျန်ခဲ့တယ်... ။
အံစာမကျခင် ပွဲသိမ်းလိုက်ရအကောင်းသား
ခုတော့
တစ်ဘ၀လုံး...
ပြုတ်ကျပျောက်ဆုံးသွားခဲ့ရပြီ... ။


မနော်ဟရီ - မီးပြတိုက်အလွန် ကဗျာများ

Manor Hary

posted by NLS at 8:53 PM

0 Comments:

Post a Comment

<< Home