Thursday, January 19, 2006

လက်တမ်းပုံပြင်

လက်တမ်းပုံပြင်



ရင်ကိုတောက်စားတတ်တဲ့ ဖဲပွင့်တွေအကြောင်းက စရအောင်
ချစ်တယ် ဆိုတာ တကယ်တော့ သေဆုံးခြင်းတဲ့
နားလည်သူတွေရဲ့ ခေါင်းတညိတ်ကိုပဲလက်ခံမှာပါ
အနာဂတ်ဟာ ဘာအက္ခရာမှ ရေးထိုးမထားတဲ့ စာရွက်တစ်ရွက်မှမဟုတ်ဘဲ
ခဲဖျက် ဆိုတာကလည်း ငယ်တုန်းပဲအသုံးဝင်တာ။

မသေချာဘူး ဆိုတဲ့လူတွေကို ပြုံးပြုံးကြည့်ရင်း
မျက်နှာကြောတွေတောင် တင်းလာလိုက်တာ
ကမ္ဘာဦးကျမ်းကြီးတောင် မြွေတစ်ကောင်နဲ့ အကြီးအကျယ်ပြဿနာတက်လို့
ငါတို့နောက်ဆုတ်ကြပါတော့လား
ကိုယ့်ကိုယ်ကိုယ်ပြောတာတောင် ကြားအောင်မပြောရဲတဲ့နောက်
ချောက်ကမ်းပါးဆိုတာလည်း ဂန္ထ၀င်ဂီတတစ်ပါးပဲပေါ့။

တစ်ခုပဲ.. တစ်ခုပဲ...
ဒီနေ့ထိ လူတွေအယူလွဲနေတဲ့ အချစ်အကြောင်းစစ်စစ် ကို
ဘယ်လိုလူကမှ သေချာမသိလေတော့
လက်တမ်းပုံပြင်တွေ
တလေတလွင့်ရေပန်းစားကျန်ခဲ့တာ မဆန်းပါဘူး။


မနော်ဟရီ

ရွှေဖူးစာ၊ အောက်တိုဘာ ၂၀၀၂။
Manor Hary

0 Comments:

Post a Comment

Links to this post:

Create a Link

<< Home