Thursday, January 19, 2006

သိဟ်ရာသီရဲ့နောက်ဆုံးနေ့

သိဟ်ရာသီရဲ့နောက်ဆုံးနေ့



နှင်းငွေ့တွေဝေနေတဲ့လမ်းကလေး
သူ့တစ်ကိုယ်တည်းအဝေးကိုငေး... လို့။
ဆိုင်းမှိုင်းဖျော့တော့လွန်းပေမယ့်
မြို့ကလေးရဲ့ကဗျာဆိုတာ
အဲဒီနေ့မှာ... ရှိခဲ့တယ်။

နားလည်မှုတွေ တနင့်တပိုးထမ်းထားရတဲ့
ကိုယ့်ကမ်းပါးကလေးပေါ်မှာ
မုတ်သုန်မိုးတွေတဖွေးဖွေးရွာခဲ့ ... ။
တကယ်တမ်းကျတော့
မုန်တိုင်းတွေကိုဟားတိုက်မောင်းထုတ်ပစ်လိုက်ရတာ
ခါးကျင်လွန်းလှပါတယ်

နာရီတွေသေဆုံးမြဲသက္ကရာဇ်တွေထဲ
သွေးအေးသတ္တ၀ါလိုယောင်ဆောင်ခွေခေါက်
ခရီးမရောက်သေးတဲ့လမ်းကလေးလေ...
ခုထိ... နေမြင့်နေဆဲ ... ။

မနော်ဟရီ

ဗျူးတီး၊ ၂၀၀၀။
Manor Hary

0 Comments:

Post a Comment

Links to this post:

Create a Link

<< Home